|
|
|
كل القلوب الجامحات معسوفه
|
|
في الحب للي هزنـا في وفاته
|
|
لو من يموت تموت عقبه صفوفه
|
كل العرب ماتوا بلحظة مماته
|
|
يا ويل عين
اللي تعود يشوفه
|
ويا ويل قلب وسط دمه غلاته
|
|
وويل اليمين
اللي تصافح كفوفه
|
متعـوده تمسك
قلمه وعصاته
|
|
ويلي على زايد وشامخ كتوفه
|
لي من ضحك يا زين بسمة شفاته
|
|
يا صدع قلبي صدع من نزف جوفه
|
يوم انفجر شريان قلبي بغلاته
|
|
النجم الاشهب يوم يعلن كسوفه
|
تبرق عوض غيبته
ذكرياتـه
|
|
عضيت بطن ابهام كفي حسوفه
|
لو تنعطي سنين العمر قلت جاته
|
|
واستغفر الله ما نسابق حتوفه
|
|
هذا وجع واعلن بكبـدي مباته
|
|
يا ما تبادلنـا الكلام وظروفـه
|
|
ويا ما قسم لي لقمته في حياته
|
|
ويا ما طرد قلبي بطرياه خوفه
|
|
ويا كم وصاني وسرت بوصاته
|
|
يا اله بك مزبان نادر وصوفه
|
|
يا ذا العزيز بعزتك عز ذاته
|
|
يا ذا الجلال ازبن جلالك تشوفه
|
|
بعين الرضا واقبل عطاه وهباته
|
|
يا ذا الكريم بجنـة الخلد روفه
|
|
يا مورث عياله مكارم صفاته
|
|
أكرم عزيز النفس نفسه عطوفه
|
|
ارفع مقامه يا عظيـم بسماته
|
|
واحفظه يا حافظ وزين ظروفه
|
|
يا مثبت الطـود العظيم بثباته
|
|
وتوفق انجالـه
بـدرب تطوفه
|
|
وتعينهم على الصبر صبح ومساته
|
|
أسمع صدى صوته وتلفي طيوفه
|
|
ويدور في ذهني جزيل كلماته
|
|
كتبت من مدمعي مداد لحروفه
|
|
وانهيتها والحـال عايف مقاته
|
|
الشاعر
علي سالم عبيد الكعبي |
|
|
